Gursa projeavttaid hálddašeamis
SÁMIRÁĐI JA SUOMA SÁMI NUORAT SEARVVI FILLING THE EU-SÁPMI KNOWLEDGE GAPS -PROŠEAKTA OVTTAS SÁMI OAHPAHUSGUOVDDÁŽIIN BOVDE DU KURSII PROJEAVTTA HÁLDDAŠEAMIS. KURSA DOLLOJUVVO GÁIDDUSIN MIESSEMÁNU 26-27.5.2021 DII. 9.00-15.00 (CEST).
Dát kursa lea guokte beaivve skuvlendilálašvuohta sámenuoraide ja earáide sámeservodagas, geat leat berostuvvan ovddidit sin dáidduid projeavttaid hálddašeamis. Lassin kursa veahkeha hukset oktavuođaid Sámeservviid ja ruhtadeddjiid gaskii ja fállat ođđa vejolašvuođaid ovttasbargui.
- Mii sávvat, ahte kursa doaibmá maid boahtteáiggi projeaktaguimmiid deaivvadanbáikin ja ođđa projeaktaideaid guovddážin, dadjá EU ossodaga hoavda, Elle Merete Omma.
- Kurssa dárkkuhus lea hukset gelbbolašvuođa Sámi servodagas plánet, ohcat ja čađahit EU projeavttaid, Omma lasiha.
Buriid hálliid lassin kurssas bargat unna joavkkuin, nu gohčoduvvon Innovašuvdna Laboratoriain, gos plánet ja ovddidit iežas projeakta ideaid. Mentorin ja panelistan doibmet áššedovdit geain lea guhkes áigge vásáhus EU projeavttain ja sii addet geavatlaš rávvagiid oassálastiide.
- Mii háliidit, ahte kursa lea geavatlaš vai oassálastit sáhttet oažžut konkrehta bargoneavvuid dás maid sii dárbbašit vai olahit sin ulbmiliid. Mii sávvat, ahte go kursa lea gáiddusin, lea álki de searveaktiivvaide oassálastit, go ii dárbbaš mátkkoštit gosage dán pandemiija dihte, Omma dadjá.
Dulkon fállojuvvo davvisámegillii, suomagillii ja dáro-/ruoŧagillii.
PRORGÁMMA - Mo šaddat easkaálgis prošeaktaámmátlažžan?
Rievdadusat sáhttet boahtit.
REGISTREREN LEA DÁL RABAS!