Lágida vuosttaš sámi Dieđavahku geasset 2025
Sámiráđđi ja Sámi Allaskuvla leat ilus almmuhit vuosttaš sámi Dieđavahkku, mii lágiduvvo boahtte geasi Guovdageainnus, geassemánu 10.b. - 13.b 2025.
Rune Fjellheim, Dieđavahku prošeaktajođiheaddji.
Dieđavahkku áigu čohkket sámi dutkiid miehtá Sámi gelddolaš beivviide, gos leat lágideamit fáttáid birra nu go teknologiijas gitta ruhtádeapmái ja beroštupmái, ja hukset rájárasttideaddji fierpmádaga.
- “Iešguđet ásahusat leat dađistaga eambbo áŋgiruššan sámi dutkansuorggis, muhto sámi dutkiide leat ain unnán vejolašvuođat deaivvadit ja ovttasbargat iešguđet surggiid, ásahusaid ja riikarájiid rastá. Dieđavahku bokte mii galgat gokčat dán dárbbu,” dadjá Rune Fjellheim, seniorráđđeaddi Sámiráđis ja Dieđavahku prošeaktajođiheaddji.
Dieđavahkku lea vejolašvuohta nannet akademalaš ovttasbarggu sámi birrasis, hukset rájárasttideaddji fierpmádagaid, buoridit dihtomielalašvuođa dáláš dutkama birra, ja kártet boahttevaš dutkandárbbuid.
- “Dieđavahku guovddážis lea geatnegasvuohta bargat ovttas fágalaš ja geografálaš rájiid rastá sihkkarastin dihtii fátmmasteami ja girjáivuođa, ja addit vuođu iešguđet fágabirrasiid ja karrierara muttuid jienaide. Danne mii áigut erenoamážit láhčit dilálašvuođat studeanttaide ja nuorra dutkiide, vai movttiidahttit eambbogiid rekrutteret akademiai ja sámi dutkanbirrasiidda mat sturrot.”
Eanet dieđut áigemeriid birra sáddet sisa evttohusaid ja sešuvnnaid boahtá čakčii.
Eanet dieđid gávnnat dáppe: https://diedavahkku.net/
Dieđavahkku lágiduvvo vuosttaš Sámi Arenas Guovdageainnus 2025.