Sámiráđđi lea mielde áššedovdilávdegottis mii lea dálkkádatrievdamiid servodatekonomalaš váikkuhusaid birra.
Govva: Sámiráđđi/Áile Jávo
Norgga ráđđehus lea geasset nammadan áššedovdilávdegotti mii galgá čielggadit dálkkádatrievdamiid servodatekonomalaš váikkuhusaid.
Lávdegotti mandáhtta lea earret eará háhkat eanet máhtu servodatekonomalaš váikkuhusaid birra mat čuvvot dálkkádatrievdamiid hearkkes surggiin ja báikiin, ja gávdnat áŋgiruššansurggiid main lea stuorra vejolašvuohta unnidit dálkkádatrievdama riskka, ja daid galgá árvvoštallat doaibmabijuid goluid ektui. Dát galgá váikkuhit eanet diđolašvuhtii dan birra maid dálkkádatrievdamat mearkkašit riikii ekonomalaččat ja čálggu dáfus. Loahpalaš raporta galgá geigejuvvot guovtti jagi geahčen.
Gunn-Britt Retter, Árktalaš- ja Birasossodaga jođiheaddji, and áššedovdilávdegotti lahtt. Govva: Sámiráđđi
Lávdegottis, man postdoavttir Ingrid Hjort galgá jođihit, leat čieža lahtu, ja Sámiráđi bargi Gunn-Britt Retter lea okta sis. Áššedovdilávdegoddi áigu bargat ovttas lávdegotti čállingottiin.
Gunn-Britt lea giitevaš go bivdojuvvui áššedovdilávdegotti fárrui. "Go galgá čielggadit servodatekonomalaš váikkuhusaid dálkkádatrievdamiin ja maid dat mearkkaša ekonomiija ja čálggu ektui Norggas, de lea dehálaš ahte dát váikkuhusat ipmirduvvojit maiddái ealáhus- ja servodatsurggiin sámi servodagas ja ahte ipmirduvvojit váikkuhusat sámi ekonomiija ja čálggu ektui. Mun illudan čakčii álgit dáinna bargguin." dadjá Gunn-Britt Retter.
Loga eanet