Sámi Ownership and Data Access (SODA)
Govva: Jannie Staffanson
Sámiráđđi lea mearridan Sámi eaiggátvuođa ja dihtorvejolašvuođaprinsihpaid (SODA) luoddagártta mii lea vuođđuduvvon bures cárrejuvvon CARE-prinsihpaide (link). Mearrádus dahkkui ráđđečoahkkimis Heahtás cuoŋománus dán jagi. SODA-prinsihpaid ulbmilin lea addit sámiide ja sin ovddasteaddji ásahusaide vejolašvuođa stivret ja hálddašit dieđuid maid ieža leat leamaš mielde ráhkadeamen.
Govva: Gunn-Britt Retter
Jo ovdal leat álgán fuolastuvvan dainna ahte dutkandieđut maid álgoálbmogat leat mielde ráhkadeamen, eai leat oktasaš ávkin servodagaide mat leat mielde ráhkadeamen dieđuid. Lea maid čujuhuvvon dasa ahte álgoálbmogiin ja sin báikegottiin ii álo leat eaiggátvuohta, váldi dárkkistit ja hálddašit dieđuid man buvttadeapmái sii leat searvan. Eaiggatvuođa ja hálddašeami vejolašvuođa haga dutkandieđut hearkit gieđahallojuvvo vuogin mii ii ane árvvun álgoálbmogiid ja sin servodagaid buorredili, árvvu ja vuoigatvuođaid. Dát lea ovdal mielddisbuktán eamiálbmotdieđuid eahpeetihkalaš geavaheami.
Dát leat váldočuoggát mearrádusas:
Sámi dutkandieđut galget čohkket, vurket ja geavahit sámi álbmoga ja sin servodaga oktasaš ávkin
Sámi álbmot ja sin ásahusat galgá leahkit váldi hálddašit dieđuideaset
Sámi álbmogis ja ásahusain galgá leat vuoigatvuohta oamastit ja dárkistit dieđuideaset
Dutkiin, ásahusain ja hálddašeaddjiin lea ovddasvástadus fuolahit ahte sámi dutkandieđut gieđahallojuvvo dainna lágin ahte váldet vuhtii sámiid vuoigatvuođaid
Dutkandieđuid olles eallingearddi stivrejit etihkalaš prinsihpat mat vuoruhit sámi čálggu, olmmošvuođa ja iešmearrideami.
Mii dovddastit man dehálaš lea sihkkarastit iežamet báikegottiide ja Sámeráđđái eaiggátvuođa ja vejolašvuođa háhkat dieđuid ja dutkanbohtosiid mat leat buvttaduvvon prošeavttain maidda mii searvat. Dát lea dehálaš go galgat suddjet min vuoiŋŋalaš opmodatvuoigatvuođaid, go galgat bisuhit bearráigeahču min kultuvrralaš árbbis, ja go galgat addit gelbbolašvuođa min báikkálaš servodagaide maid mii sáhttit geavahit ávkin.