Vuosttaš oasi Lávdan Sámi Arena prográmma lea gárvvis!
Mii leat ilus go viimmat beassat almmuhit vuosttaš oasi Lávdan Sámi Arena prográmmas!
Dat lea prográmma mii gokčá viidát fáttáid, ja iešguđetlágan doaluid. Lávdan Sámi Arena várás váldit atnui deaivvadansajiid maid Guovdageaidnu lea fállan, ja doalut lágiduvvojit dakkár arenain go Allaskuvllas, Čoarvemáttas, LES-viesus ja Thon hoteallas. Lávdan Sámi Arena šaddá nu oidnosii miehtá Guovdageaidnu.
Dán jagáš stuorra doalut Lávdan Sámi Arenas leat KulturSápmi ja DutkanSápmi-Dieđavahkku. Daid prográmmas almmuhuvvojit fargga. Mii leat maid ilus go beassat dieđihit ahte Norgga Sámediggi lágida guovtti beaivásaš seminára boazodolliide, ja dasa lassin lágida Luovvi luohteguovddáš guovtti beaivásaš seminára luođi ja juoigama birra.
Muitte dieđihit DÁS!
Dieđihanáigemearri lea cuoŋománu 6. b.!
Lágiduvvojit maiddái ollu sešuvnnat fáttáid birra mat gasket dearvvašvuhtii, sohkabeallái, oahpahussii, ja maiddái gillii. Ja eambbo fáttát bohtet! Vai šattašii gelddolaš buohkaide, leat dát sešuvnnat iešguđetlágan hámiin, dego semináran, ságastallamin dahjege panelaságastallamin.
Doppe leat maid arenat gos olbmot sáhttet deaivvadit ja oažžut oktavuođa, nugo Giellaspilla kafeá bokte man Divvun giellateknologiija lágida, dahje duodječájáhusas maid Duodjeinstituhtta lea čohkken.
Juohke iđit álggahuvvo gáfeságastallan iešguđetlágan fáttáid birra, dovddus TED Talk-stiillas. Juohke eahkeda leat kultuvrralaš lágideamit, dego teáhterčájálmasat maid Beaivváš lea lágidan.
Muhto buoremus lea ahte eanet doalut bohtet! Dán rájes prográmma almmuhuvvo dađistaga, masa bohtet máŋga sešuvnna oahppama ja diehtolonohallama várás iešguđet surggiin, ja maiddái kultuvrralaš ja sosiála lágidemiiguin.